PUPUH

Kinanti

Budak leutik bisa ngapung
babaku ngapungna peuting
kuriling kakalayangan
malingan nu amis-amis
sarupaning bungbuahan
naon baé nu kapanggih

Ari beurang ngagarantung
pinuh dina dahan kai
disada kokoréakan
cik hempék ku hidep pikir
nu kitu naon ngarana
lolong lamun teu kapanggih [= kalong]

Pupuh Dangdanggula

He Barudak poma sing areling
sing nyaah ka indung ka bapa
Maraneh teh matak hese
Komo nu jadi indung
Kahesean kaliwat saking
ti keur di kandungan
Matak hese wungkul
Mun dengdek kukulinciran
Waktu maneh gubrag gumelar ka lahir
Indung teh boa ajal. 

 

Pupuh Juru Demung

Mungguh nu hirup di dunya
Ku kersaning Anu Agung
Ku kersaning Anu Agung
Geus pinasti panggih
Geus pinasti
geus pinasti panggih
Jeung dua rupa perkara
Senang paselang jeung bingung.

Pupuh Maskumambang:

Hey barudak kudu mikir tileuleutik,
maneh kahutangan,
ka kolot ti barang lahir,
nepi ka ayeuna pisan.